Vin konpare laviw-Durose chachou-istwa lakay

Vin konpare laviw-Durose chachou-istwa lakay

Vin konpare laviw

Yon kou

Se yon pèsonaj ki jwenn yon ti degaje nan yon lekòl postetan,lap travay kòm jeran lakou a,sak rive,misye tèlman gen yon lanmou ki marye li ak tafya,ki fè misye toujou sou gwòg li,e se chak jou tou pastè a ki se mèt lokal la toujou ap obsève towo a

Yon kou
Enben yon bon jou,apre yon dènye obsèvasyon,misye deside fè yon kòlè li kraze boutèy li konn bwè tafya a,epil di:(vye boutèy mwen fout krazew se ou ki frenk anpechem gen lapèm isi a.)
Tout moun kontan,epi felisite misye pou gwo jès sa li fè a,poul divòse ak boutèy sa ki pat yon bagay fasil vre pou li.

Yon kou
Tout moun ap konstate depi apre lè a,misye pa gen boutèy la Ankò,pastè a kontan anpil tou.

Kounya misye toujou gen yon gode aliminyòm ki nan men li,kidonk se sant tafya kounya moun ka pran,men yo paka di se sa lap bwè nan gode aliminyòm sa.

tout9 article yon kou

Yon kou
1) sa ka rive ou prezantew kòm yon modèl nan sosyete a,men fèl pou ou vreman,pa fèl pou moun kap aplodiw yo.

2) sa ka rive yon seri moun fèw konfyans,men ou amizew jwe ak konfyans sa,sou pretèx ou pansew pi entèlijan wap fè yon kou sou yo,pa konprann ou bon paskew fè yon kou sou yon moun,men pito ou detwi estim ak konsiderasyon ou te gen nan je moun sa.

3) sa ka rive ou eseye fè yon kou jis pou twonpe vijilijans yon moun ki fèw konfyans,men siw gen konsyans se ou ki parèt lèd,paske se gras ak moun ou ye a,gras ak imaj ou prezante a ki koz yo te akòdew chans sa.

4) sa ka rive yon moun kwè nan ou,ou trayil paskew pansel pap dekouvriw,pa okipew ou trayi tèt ou,paske nan konsyans ou,ou konnen byen ou pa klè.

Jodi a ant boutèy ki kraze a ak gode aliminyòm nan wap konsève a,vin konpare laviw.

#Eskew #klè?

 

ekri pa: Chachou DUROSE emaildurosechachou@gmail.com

kameramann: Wendy LERISSE

koute radyo tout9 andirek sou lyen sa a: tout9.net/radiotout9

NB: ou vle fe yon mesaj pase sou tout9 ekri nou sou email sa a: senatjephte4@gmail.com

Mèsi deja

li atik ki menm jan ak li: http://tout9.net/fe-bagay-ki-bon-dwe-fos-motivasyonw-pou-nou-chanje-sa-durose-chachou/

renmen page facebook nou an sou lyen sa a: https://web.facebook.com/senatjephte4/

Fe bagay ki bon dwe fòs motivasyonw pou nou chanje sa- Durose chachou

Fe bagay ki bon dwe fòs motivasyonw pou nou chanje sa- Durose chachou

 

Fè bagay bon pou chanje sa.

Kotew soti, kiyès ki manmanw ak papaw,dwe fòs motivasyon paw.

 

Mwen se (madan sara)tout sa map fè se pou ou, men ti komès lan la, se poum baw lavi mwen fèl pitit mwen, mwen mare sik yo la poum vann,ti konèt yo se 3 pou 2goud edmi, sa ka rive ou fè dlo sikre ak yon pake, men gen kouraj pou dim se ou ki pranl.sa va fèw gran tout kotew pase, volè manmanw jodi a, ka fèw gwo volò nan peyi a demen.

 

Sa se konsèy ki marye ak onètete, diyite, konsyans, responsabilite, pou wout siksèw demen, siw vle vin yon bon lidè pitit mwen.

 

Fè bagay bon

Yon jou nan geto kotew te grandi,yap konsiderew tankou yon ewo,sòyèt ki te baw lavi a, gen poul rèn

Pa pou anyen non paskew fè bagay ki bon.

 

E ou kotew soti?

Ou fè bagay?

men eskew fè bagay ki bon?

Jodia ki bagay ki bon ou pral di pitit ou, ou fè paskew se modèl li?

Jodia ki bagay ki bon ou fè pou peyiw tou?

Ou byen ou pito dakò mourir est beau ou ye la?

 

Nou pa timoun men poukisa nou toujou paka fè bagay serye tankou granmoun?

200zan nan kisa ?

Aloske nou ka fè bagay ki bon

Aloske nou ka fè bagay serye

Aloske nou konn fè bagay ki bon.

Bagay ki bon,ki ka itil pwòp tèt ou demen tou,fèl pou ou dabò non.

omwen chanje kondisyon paw tou non souple.

Ou nan labou a tou,nou sèlman pa pran menm sant lan,men jew wèl tou.

 

Ann met ansanm poun fè bagay non.

Bagay ki bon.

                                   J’aime Haïti🤗 pourquoi ?

 

ekri pa: Chachou DUROSE emaildurosechachou@gmail.com

kameramann: Wendy LERISSE

koute radyo tout9 andirek sou lyen sa a: tout9.net/radiotout9

NB: ou vle fe yon mesaj pase sou tout9 ekri nou sou email sa a: senatjephte4@gmail.com

Mèsi deja

li atik ki menm jan ak li: http://tout9.net/vin-taye-bandaw-pou-kotew-soti-ki-few-manman-jodi-a-durose-chachou/

renmen page facebook nou an sou lyen sa a: https://web.facebook.com/senatjephte4/

Vin taye bandaw pou kotew soti ki fèw manman jodi a

Vin taye bandaw pou kotew soti ki fèw manman jodi a

*se ou*

Mezanmi kote rach la?

 

Fann bout bwa sa yo pou mwen non epi Met platin nan deyò,Men solèy fin cho wi,jounen an fini nan menm,poum koumanse fè ti kasav la poum sove lajan Gaz ak sik la.

Se ou

Alanjelis tonbe,poko ka degoudi yon mamit dlo poum ta fè yon gwo twalèt poum wè sim ka lage vye kòm li preske jou poum al defann mwen la.

 

Mezanmi men li jou wi, leve non,vin edem sele vye bourik la poum wè sim ka kouri al bay ti kasav yo,poum tounen byen vit,paskem chaje rad sal poum lave demen

image tout9 wendy lerisse

yon bout kòd anba vant li,yon pil rad mare nan yon moso dra,batwèl,zoranj si,savon, kloròx,anba larivyè lesiv la pral fèt.

 

Mèsi Jezi pou jounen sa,men nwit lan nan menw wi bon papa

Priyè sè a

 

Tande non reveye non Nònò mwen pa santim byen non

 

Rete saw saw santi la madanm?

 

A ta sanblem gen doulè wi,rele ti fanm pou mwen tanpri

 

Mezanmi se apènn 1è di maten wi li pral fè, poko ka al frape pòt li non madanm.

 

Bò 10è nan maten lakou chaje moun, doulè tranche a mare pi rèd,pitit di li pap soti,fanm saj la ak pip li lap fimen,pandan lap tann dlo fèy li te mande a poul fè beny pou madanm nan,kèk tan apre fanm saj la mande yon grenn sèl,yon ti sizo,operasyon li pral fè paske tèt timoun twò gwo,li paka soti.

 

Delivrans fèt,anpil remèsiman pou papa Bondye madanm nan bay yon gwo bout pitit fi.

machann tout9 images

Se ou

Pitit mwen,mwen pase anpil mizè ak ou jodi a se lekòl mwen metew,mwen pat konn li,men ou menm,mwen vle pou konn siyen non ou,pran tèt ou,pran tèt ou pitit mwen.

jenn gason alèkile se gate sa yo ye,menm si yo pa gen pou yo baw,yap swete kraze kwiw,kenbe tèt ou pitit mwen.

pawòl manman an

 

Pitit koumanse devlope,ti gason koumanse tyekel,tèt papa cho kou vè lanp,vant manman ap bouyi lajounen kou lannwit.

 

Pitit mwen,paka baw move konsèy non,men jou papaw kwazew ap pale ak ti tonton sa wap pase nan je zegwi.

kounya ou bezwen al gwòs pou pase mizè map pase yo pitit.

 

1)ou konn sak pase?

se tifi ou ye:alanjis pa gen dwa pranw nan lari

2)se tifi ou ye:koze al kay ti gason an pa pou ou

3)se tifi ou ye: ou paka nan fè jenn gason plezi

4)se tifi ou ye:aprann fè manje,pase,avanw koumanse renmen an

5)se tifi ou ye:ou pa dwe lage kòd tèt ou, nan griyen dan ak ti gason

6)se tifi ou ye:depiw gwòs koze lekòl la fini pou ou

7)se tifi ou ye:ou gwòs nan kay la,se nan lari a wap pranl.

8)se tifi ou ye: lannwit paka pranw ap pale ak ti gason

9)se tifi ou ye:se gason ki pou fèw deklarasyon

10)se tifi ou ye:,depiw tonbe,levew pap fasil non pitit mwen,menm si yo toujou di fanm gen 7 so poul pran.

konsèy primòdyal majorite gran paran yo.

 

Enben wi se ou

Ou se fanm

Fanm ki vle di ou gen kouraj,rezistans,pasyans.

 

Wi se ou

Fanm ki vle di konpreyansyon,sansibilite,afeksyon

 

Wi se ou

Fanm ou men  ki gen tout chaj kritik  tout yon sosyete sou dow la.

 

Wi se ou

Fanm ki soti nan zo kòt gason an.

Fanm ki kwè nan pataje lanmou,menm siw pa gen dwa pou resevwa lanmou an.

 

Wi se ou

Fanm ki dwe renmen,menm si yo  pa menm apresyew

 

Wi se ou

Fanm  ki souvan blese,trayi,vyole, imilye,meprize.

machann tout9 images

Wi se ou

Fanm yon jou ki te gwòs gason kouri kitew,paranw abandonew, zanmiw meprizew, sosyete kondanew. gwòs timoun sa te pi gwo krim ou fè.

Jodi a ou se manman wè pa wè,tout kouch nou site la ki te bliyew yo, ap kontew pami manman tou jodi a.

Wi se ou

Wi se ou

Ou se fanm.

Fanm ki gen grenn

Fanm ki pa pote wòb li pou bèl twèl

Vin taye bandaw pou kotew soti ki fèw manman jodi a.

 

Bon kouraj manman fanm.

ekri pa: Chachou DUROSE email: durosechachou@gmail.com

kameramann: Wendy LERISSE

koute radyo tout9 andirek sou lyen sa a: tout9.net/radiotout9

NB: ou vle fe yon mesaj pase sou tout9 ekri nou sou email sa a: senatjephte4@gmail.com

Mèsi deja

li atik ki menm jan ak li: http://tout9.net/yon-sel-espwa-se-vwayaje-durose-chachou-tout9-istwa-lakay/

renmen page facebook nou an sou lyen sa a: https://web.facebook.com/senatjephte4/

Valence met fin au règne du fc Barcelone en coupe du Roi 2-1

Valence met fin au règne du fc Barcelone en coupe du Roi 2-1

Barcelone rate double a!!!

Valence met fin au règne du fc Barcelone en coupe du Roi.

3 Sèmen aprè eliminasyonl devan liverpool nan lig dè chanpyon (4-0) fc barcelone ankò pèdi nan final koup di wa devan valence 1-2  jodi 25 Me a, ki  fè valence genyen 8 tit li apre 10zan swa 116yem koup di wa a.

Nap raplew byen bone nan match la swa nan 22 zyèm minit valence te gentan ap mennen yon gòl a zewo gras ak atakan 32 zan yo a  KEVIN GAMEIRO  e  11 minit apre swa  33 zyèm minit nan premye mitan match la RODRIGO MACHADO MORENO  make 2 yèm gòl pou ekip valence lan e rive jis nan 73 yèm minit jwet la. messi tap vini make 3 yèm gòl match la kise grenn gòl ekip barcelone lan  kipat sifi pou pèmèt ekip li a chanpyon e kitap fè senkyèm koup di wa youn dèyè lot ke li tap genyen.

Nap diw ke valence rache kalifikasyonl nan jou ki sot pase yola nan men Getafe swa katriyem plas chanpyona espay  la, ki pèmèt li jwenn tikè pou li jwe lig dè chanpyon ane kap vini an (2019-2020).

 

koute radyo tout9 an dirèk sou lyen sa a: tout9 fm

like page facebook nou an sou lyen sa a: https://web.facebook.com/senatjephte4/

atik spò: tout9.net/psg-neymar-jr-deja-partie-pour-le-bresil/

France: 13 Personnes blessés dans une explosion au centre ville de lyon-tout9infos

France: 13 Personnes blessés dans une explosion au centre ville de lyon-tout9infos

France: 13 Personnes blessés dans une explosion au centre ville de lyon.

Yon gwo eksplozyon ki fèt jodi vendredi 24 Me a 17h30 (13h30 lè ayiti) nan vil lyon kote yon jèn gason kanpe yon beka n kite gen yon ekplozif sou li devan yon boulanje kote 13 moun blese. Jis ka prezan lapolis fransèz pako arete jèn gason sa a.

Lapolis fransèz mande sou kont twitter yo si genyen yon moun ki wè oubyen ki gen kek enfomasyon  sou teoris sa a pou’l  rele yo  nan nimewo 197.

Nap raple’w nan 13 moun ki blese yo Selman 13 ki lopital nan mitan yon  ti fi ki gen Sèlman 8 tan daprè deklarasyon Broliquir Denis ki se majistra dezyèm  awondisman vil  la.

 

koute radyo tout9 an dirèk gras a kyen sa a: radio tout9

siw etazini koute radyo a sou zeno radyo nan nimewo sa a: +1 (814) 485 7381

like paj facebook nou an lèw klike sou lyen sa a:  https://web.facebook.com/senatjephte4/

Aprann konnen istwa ayiti: http://tout9.net/yon-sel-espwa-se-vwayaje-durose-chachou-tout9-istwa-lakay/